سان سيباستيان تشيز كيك
Directions
- 1نجيب الخلاط ونحط جبنة كريمي، سكر، كريمة لباني، بيض، معلقتين دقيق، رشة ملح، معلقتين فانيليا، معلقة بشر ليمون، معلقتين عصير ليمون، ومعلقة نشا ونخلطهم كويس.
- 2نجيب أي صينية مش كبيرة ونحط ورق الزبدة عشان يعمل تعرجات في التشيز كيك وبتخليها حلوة قوي.
- 3نحط خليط التشيز كيك، ونضربه ضربتين عشان يطلع أي فقاعات فيه.
- 4ندخله الفرن على درجة حرارة 220 لمدة 45 دقيقة، وبعد كدة نفتح الشواية عشان لازم الوش يتحمر كويس وفي نفس الوقت تفضل طرية من جوة.
- 5نسيبها تبرد خالص وبعد كدة ندخلها الثلاجة لمدة 6 ساعات على الأقل.
- 6نقطعها، ممكن نحط عليها بيستاشيو كريم أو صوص ستروبيري.
Ingredients
- 450 جم جبنة كريمي
- 1 /2 كوب سكر
- 1 /2 كوب كريمة لباني
- 4 بيض
- 2 معلقة صغيرة عصير ليمون
- 1 معلقة صغيرة بشر ليمون
- 2 معلقة صغيرة فانيليا سائلة
- 2 معلقة صغيرة دقيق
- 1 معلقة كبيرة نشا الذرة
- 1 /4 معلقة صغيرة ملح
Equipment
خلاطصينية فرنورق زبدة